Beyoncé është nderuar me çmimin “Innovator” në iHeartRadio Awards 2024. Ylli i muzikës, e cila së fundmi publikoi albumin e saj country Cowboy Carter, pranoi çmimin nga Stevie Wonder në Teatrin Dolby në Los Angelos.
“Jam e nderuar të marr këtë mirënjohje nga ti, Stevie Wonder. Sa herë që dikush më pyet nëse ka dikë që mund ta dëgjoj për pjesën tjetër të jetës sime, je gjithmonë ti. Prandaj faleminderit, Zoti të bekoftë”, tha ajo. “Dhe faleminderit që luajtët harmonikën në Jolene”.
Beyoncé gjithashtu u bëri thirrje novatorëve si Tracy Chapman, Prince, André 3000, Tina Turner dhe Michael Jackson për sfidën e “çdo etikete të vendosur mbi ta” dhe falënderoi bashkëshortin e saj Jay-Z dhe tre fëmijët e tyre.
“Dua t’ia kushtoj këtë çmim të gjithë novatorëve që ia kanë kushtuar jetën dhe artin e tyre krijimit të ndryshimeve. Prandaj faleminderit për sakrificat tuaja, zërat tuaj të fuqishëm dhe shpirtrat tuaj të patundur”, e mbylli ajo fjalën e saj.
Në po të njëjtën ceremoni, Cher u nderua me çmimin Icon dhe Green Day dhe TLC mori çmimet Landmark. Të tre të nderuarit performuan në skenë, me Cher të shoqëruar nga Jennifer Hudson dhe TLC me Latto. Kjo ngjarje e muzikës u prezantua nga reperi Ludacris, i cili performoi edhe hite të tij. Gjatë ceremonisë interpretuan Justin Timberlake, “Green Day”, Jelly Roll dhe grupi i viteve 1990 “TLC”.
bal
