Disa raketa kanë rënë fare pranë spitalit Al Quds në Gaza. Pamjet tregojnë panikun që është shkaktuar në spital, ku ndodhen të strehuar rreth 14.000 palestinezë të pastrehë.
Mediat e huaja raportojnë se Izraeli ka njoftuar Gjysmëhënën e Kuqe Palestineze për të evakuuar menjëherë spitalin Al Quds në Rripin e Gazës.
Megjithatë, Gjysmëhëna e Kuqe tha se brenda spitalit po trajtohen 400 pacientë dhe se zhvendosja e tyre do të ishte e pamundur.
Në lidhje me këtë ka reaguar edhe kreu i Organizatës Botërore të Shëndetësisë, Tedros Adhanom Ghebreyesus, i cili tha se paralajmërimi është shqetësues.
“Raporti i Gjysmëhënës së Kuqe Palestineze për kërcënimet për evakuimin e spitalit Al Quds në Gaza është shumë shqetësues. E përsërisim se është e pamundur të evakuohen spitalet plot me pacientë pa vënë në rrezik jetën e tyre”, tha ai.
lsraeli warplanes intentionally hit the vicinity of al-Quds Hospital in Gaza to force Palestinians to evacuate. The hospital, which is currently home to hundreds of casualties and displaced persons, has been severely damaged during the attack. pic.twitter.com/S0lUCfXgJV
— TIMES OF GAZA (@Timesofgaza) October 29, 2023
