Butrint Imeri ka dhënë një intervistë për emisionin “Andale”, ku foli për jetën personale dhe ndarjen e çmimit prej 100 mijë eurosh për fituesit e sfidës së albumit të tij të ri.
I pyetur për dashurinë, këngëtari u shpreh se ka humbur shumë kohë me personin e gabuar dhe se sot vendimet i merr më shumë me logjikë sesa me zemër, shkruan Kosovarja.
Ai tha se respekti dhe besimi janë thelbësorë në një lidhje, ndërsa pranoi se fama e bën më të vështirë gjetjen e një dashurie të sinqertë. Megjithatë, Butrinti theksoi se, pavarësisht gjithçkaje, nga muzika nuk do të hiqte dorë kurrë.
