David dhe Victoria Beckham kanë shijuar momente familjare në Portofino të Italisë, ku janë fotografuar së bashku me vajzën e tyre 15-vjeçare, Harper, gjatë ndalesës së radhës në pushimet e tyre verore.
Familja Beckham ka kaluar ditët e fundit në jahtin e tyre luksoz, me vlerë rreth 16 milionë paund, “Seven”, duke udhëtuar përgjatë Rivierës Franceze dhe asaj Italiane.
Në Portofino, David, 51 vjeç, dhe Victoria, 52 vjeç, kaluan kohë me vajzën e tyre më të vogël, duke bërë selfie dhe fotografi familjare. Çifti u fotografua me krahët rreth Harper, ndërsa David përdorte një aparat fotografik për të fiksuar momentet e përbashkëta.
Më pas, familja u ndal për të shijuar akullore dhe bëri fotografi me njëri-tjetrin në një atmosferë të qetë familjare.
Edhe djali i tyre, Romeo, 23 vjeç, i cili i është bashkuar udhëtimit, u pa pranë tyre së bashku me të dashurën e tij, Kim Turnbull, 25 vjeç.
Victoria u shfaq elegante me një fustan të gjatë me motive lulesh, të cilin e kombinoi me një kapelë prej rafie dhe sandale Hermès. Ndërsa Harper kishte zgjedhur një bluzë të bardhë pa mëngë dhe një fund të gjatë, të kombinuar me vathë në formë rrathësh dhe sandale ngjyrë bezhë.
Pas drekës, David dhe Victoria u fotografuan duke ecur dorë për dore drejt një varke të vogël që do t’i kthente në jahtin e tyre. David vendosi dorën mbi shpatullën e bashkëshortes, ndërsa Victoria ia ktheu gjestin duke vendosur dorën mbi dorën e tij.
David kishte zgjedhur një veshje më casual, me pantallona të shkurtra të zeza, bluzë, këpucë të bardha Vans dhe një kapelë bejsbolli të vendosur mbrapsht.
Djali i tyre, Cruz, dhe e dashura e tij, Jackie Apostel, ishin bashkuar me familjen në fillim të javës në Positano, por nuk u panë me ta gjatë daljes në Portofino.
Ndërkohë, Romeo dhe Kim, të cilët kishin kaluar kohë në Saint-Tropez, udhëtuan drejt Bregut të Amalfit për t’iu bashkuar pjesës tjetër të familjes në vazhdim të pushimeve.
Ndërsa Brooklyn Beckham, 27 vjeç, i cili prej kohësh është përfshirë në një marrëdhënie të tensionuar me familjen, është kthyer në Shtetet e Bashkuara së bashku me bashkëshorten e tij, Nicola Peltz, pasi ishte takuar me familjen në Saint-Tropez.
Të shtunën, Jackie Apostel publikoi gjithashtu një fotografi me Harper gjatë pushimeve në Itali.
Jackie, 30 vjeç, e ka përshkruar Harper si një “shoqe të ngushtë” dhe dy vajzat janë shfaqur duke kaluar kohë së bashku. Në një fotografi të publikuar në rrjetet sociale, ato shfaqen të veshura me fustane të gjata, duke u përqafuar para pasqyrës së një hoteli në Bregun e Amalfit.
Harper kishte pasur më herët një marrëdhënie të afërt me kunatën e saj, Nicola Peltz, por marrëdhënia mes tyre është ftohur gjatë përplasjeve familjare. Ndërkohë, duket se ajo ka krijuar një lidhje të ngushtë me Jackie.
Romeo dhe Kim kanë ndarë gjithashtu momente nga pushimet e tyre, duke publikuar fotografi nga ditët pranë pishinës dhe darkat në restorante.
Kim Turnbull, e cila është DJ, u shfaq me një fustan të gjatë të zi në një prej mbrëmjeve të çiftit.
Gjatë kësaj jave, David dhe Victoria shijuan gjithashtu nga jahti i tyre një eklips diellor, një fenomen i rrallë që tërhoqi vëmendjen e tyre.
Çifti publikoi fotografi ku shfaqeshin me syze speciale, ndërsa ndiqnin fenomenin nga kuverta e jahtit të tyre luksoz, i cili i ka shoqëruar gjatë udhëtimit nëpër Mesdhe.
Gjatë eklipsit, Hëna mbuloi gradualisht pjesën më të madhe të diskut të Diellit, duke arritur deri në 96 për qind.
Fenomeni përkoi edhe me kulmin e shiut të meteorëve Perseidë, kur meteorë të shumtë digjen në atmosferën e Tokës ndërsa planeti kalon përmes gjurmës së mbeturinave të lëna nga kometat.
Familja Beckham e shoqëroi këtë moment edhe me një ritual të lidhur me spiritualitetin, teksa David publikoi një fotografi të koleksionit të tyre me kristale dhe shkroi se po “manifestonin dhe shprehnin dëshirat” e tyre.
Megjithatë, disa astrologë këshillojnë të mos bëhen praktika të tilla gjatë një eklipsi, duke argumentuar se energjia e kësaj periudhe mund të jetë e paparashikueshme.
Astrologu dhe psikologu Dr. Michael Lennox ka këshilluar që njerëzit të mos përpiqen të “manifestojnë” të ardhmen gjatë një eklipsi diellor, duke e krahasuar këtë me përpjekjen për të qëlluar një shigjetë në mes të një uragani./Daily Mail- Syri.net
