Aktualisht në turne në Evropë, Dua Lipa u pa në Bregun e Amalfit këtë javë me miqtë, duke shijuar disa ditë pushimi. Si në çdo paraqitje të saj, pamja e këngëtares po analizohet me detaje; Pasi i mahniti të gjithë pak ditë më parë në një fustan ngjyrë blu nga koleksioni La Casa i Jacquemus për spektaklin e stilistit në ikoniken Casa Malaparte, këngëtarja zgjodhi një veshje më casual, të përbërë nga pantallona të shkurtra xhins dhe, mbi të gjitha, një bluzë të kuqe flakëruese nga labeli australian With Jéan.
Mbërthyer me një pom pom të kuq, bluza e saj tërhoqi vëmendjen e të gjithëve. Më të vëmendshmit mund ta kenë parë tashmë: disa muaj më parë Emily Ratajkowski e ka shoqëruar me xhinse gri me bel të ulët. Selena Gomez gjithashtu ka veshur së fundmi një version pa rripa.
With Jéan po bëhet shpejt një markë e dashur nga të famshmit: Rosalìa, Kylie Jenner, Elsa Hosk dhe Bella Hadid kanë veshur të gjitha veshje nga labeli australian.
Dhe tani Dua i dha vulën e saj të miratimit, e është vetëm çështje kohe para se artikujt të fillojnë të shiten.
