Reperi Eminem do të hapë spektaklin e MTV Video Music Awards këtë javë, është bërë e ditur, për performancën e parë televizive të këngëve nga albumi i tij i ri, The Death of Slim Shady.
Artisti fitues i Grammy-t hapi për herë të fundit ceremoninë në vitin 2010 kur performoi “Not Afraid”, si dhe një duet të “Love the Way You Lie” me yllin e popit Rihanna.
Performanca e tij më e fundit në shfaqjen e çmimeve ishte në vitin 2022, kur një kompani NFT prezantoi avatarët e tij dhe të Snoop Dogg pwrmes metaverse të ndjekur nga audienca e MTV.
Eminem është në garë për tetë çmime këtë vit, duke përfshirë videon e vitit, këngën e verës, Hip-Hop-in më të mirë dhe performancën më ikonike të VMA-s për përzierjen e tij të vitit 2000 të “Real Slim Shady” dhe “The Way I Am”.
Vetëm një fitore do t’i siguronte statusin si artisti mashkull më i dekoruar në historinë e VMA-ve, pasi ai aktualisht është i barabartë me Phil Collins. Me gjithsej 67 nominime gjatë karrierës së tij, ai është gjithashtu pas Madonna-s si artisti më i nominuar i të gjitha kohërave.
bal
