Rupert Murdoch, 92 vjeç, është fejuar me të dashurën e tij, Elena Zhukova, tha një zëdhënës këtë të enjte. Dasma do të mbahet në Kaliforni, në vreshtin dhe pasurinë së Murdoch, Moraga.
Dasma vjen vetëm disa muaj pasi Murdoch dha dorëheqjen si kryetar i Fox dhe News Corp duke i dhënë fund një karriere më shumë se shtatë dekadash në krye të një kompanie të madhe.
New York Times, e cila raportoi për herë të parë lajmin, tha se Zhukova, e cila është nga Moska, është 67 vjeçe. Ajo është një biologe molekulare në pension, me të cilën Murdoch filloi të takohej në verë, shtoi ajo.
Kjo është fejesa e gjashtë e manjatit mediatik dhe ata u takuan përmes gruas së tretë të Murdoch, Wendi Deng, sipas një raporti në Daily Mail. Martesa më e fundit e Murdoch me aktoren dhe modelen Jerry Hall përfundoi me divorc në vitin 2022 pas gjashtë vitesh. Hall më parë ishte partnerja e këngëtarit të Rolling Stones, Mick Jagger.
bal
