“I shkela besytnitë dhe ia urova ditëlindjen një ditë para”, kështu është shprehur diplomati Shaban Murati me rastin e ditëlindjes së kolosit të letërsisë shqiptare, Isamil Kadare.
Shkrimtari i madh feston sot 88-vjetorin e lindjes dhe urimet për të kanë qenë të shumta nga personazhe publikë por edhe qytetarë të thjeshtë.
Në këtë ditë të shënuar për Kadarenë, diplomati Shaban Murati ka zgjedhur të urojë shkrimtarin përmes një postimi në rrjetin e tij social në Facebook.
Lexo edhe: Ditëlindja e Ismail Kadaresë, kolosi i letërsisë shqiptare mbush 88 vite jetë
Murati ka publikuar një foto me Kadarenë, e cila është shkrepur ditën e djeshme, kur dhe me padurim siç ai totë “theu besytninë dhe ia uroi ditëlindjen shkrimtarit një ditë para”.
“Duke diskutuar per diplomacine me gjeniun e letrave shqipe Ismail Kadare ne 27 janar 2024. Nje dite para ditelindjes se tij, por une i shkela bestytnite dhe ia urova ditelindjen!“, shkruan Shaban Murati në Facebook.
Ismail Kadare lindi më 28 janar 1936 në Gjirokastër. Ai është një nga shkrimtarët më të mëdhenj të letërsisë shqipe dhe gjithashtu një nga shkrimtarët më të njohur të letërsisë botërore bashkëkohore.
Me veprën e tij, që ka shënuar një numër rekord të përkthimeve në mbi 45 gjuhë të huaja, ai e ka bërë të njohur Shqipërinë në botë, me historinë dhe kulturën e saj shekullore. Vepra poetike e Kadaresë shquhet për idetë e thella dhe për figuracionin e pasur e origjinal, rol me rëndësi për pasurimin e poezisë shqiptare.
I vlerësuar me shumë çmime ndërkombëtare, disa herë kandidat i çmimit ‘Nobel’ në letërsi, Kadare u nderua dhe me dekoratën më të lartë franceze ‘Komandant i Legjionit të Nderit’. Ismail Kadare është autor i veprave të njohura ndërkombëtarisht si ‘Dimri i Vetmisë së Madhe’, ‘Kronikë në Gur’, ‘Gjenerali i Ushtrisë së Vdekur’, ‘Vit i Mbrapshtë’, ‘Koncert në fund të dimrit’, ‘Përbindëshi’, ‘Nata me hënë’ e shumë të tjera.
Lexo edhe: Ismail Kadare mbush 88-vjeç, Rama dhe Begaj urojnë shkrimtarin
A ju ndihmoi ky artikull?PoJo
