Tyson Fury ka zbuluar se gruaja e tij pësoi një abort përpara se ai të humbiste nga ukrainasi Oleksandr Usyk në Arabinë Saudite në maj.
Fury përshkroi se Paris ishte gjashtë muaj shtatzënë kur abortoi atë që do të ishte fëmija i tyre i tetë, para duelit ku ai e humbi titullin e kampionit botëror në kategorinë e rëndë WBC.
“Ajo ishte në muajin e gjashtë shtatzënë. Nuk është si një abort i vogël në fillim – ju duhet të lindni fizikisht një fëmijë të vdekur, vetë, ndërsa burri juaj është në një vend të huaj. Për ta kaluar atë në vetvete nuk është mirë,” tha Fury.
Fury tha se gruaja e tij nuk i tregoi për abortin para duelit, por ai “e dinte se ajo kishte një problem” pasi i tregoi se nuk mund të merrte pjesë në duelin që do të zhvillohej në Riad.
Fury këmbëngul se aborti spontan i gruas së tij nuk kishte ndikim në performancën e tij, por sipas tij fitorja iu nda ukrainasit me vendim të ndarë.
“Ky nuk është një justifikim. Unë jam një njeri i nderit. Unë bëj atë që duhet të bëj kur jam atje,” tha ai.
Rivalët do të takohen sërish më 21 dhjetor, por pa rrezikun e rripit të IBF-së, pasi Usyk zgjodhi të hiqte dorë nga ai në vend që të bënte një mbrojtje të detyrueshme. Daniel Dubois është tani kampioni i IBF dhe ruajti rripin e tij muajin e kaluar kur mposhti Anthony Joshua në “Wembley.”
