Nuk është e zakonshme të shohësh Georgina Rodriguez të publikojë në rrjetet e saj sociale detaje nga jeta së saj e përditshme, ndonëse me këtë rast e ka bërë për të treguar se familja është më afër se kurrë me të. Influencuesja ka shpërndarë një imazh në të cilin shihet duke punuar së bashku dhe pranë ka një buqetë me trëndafila të dërguar nga Cristiano Jr.
Ka qenë vetë Georgina ajo që ka treguar se ditët e fundit nuk kanë qenë të lehta për të, pasi i është dashur të largohet nga familja për t’u trajtuar në spital për pneumoni. “Më në fund u ktheva në shtëpi! Kalova katër ditë në spital me pneumoni”, tha ajo në postim. “Jam më mirë tani, por ende po shërohem në shtëpi me familjen time”.
Ajo falënderoi gjithashtu spitalin gjerman në Arabinë Saudite për trajtimin që mori. “Ata u kujdesën shumë për mua dhe unë jam shumë mirënjohëse për këtë. Faleminderit të gjithëve për këto ditë këtu”, tha ajo në deklaratën e saj. Tani ajo do të duhet të kalojë disa ditë në shtëpi me pesë fëmijët e saj: Cristiano Jr, Eva, Mateo, Alana Martina dhe Bella Esmeralda.
Rekomandimet e përgjithshme përfshijnë pushim, mjekim, hidratim dhe ndjekje mjekësore për të siguruar shërim të plotë. Ushtrimet e frymëmarrjes së thellë janë gjithashtu të rëndësishme, pasi ato ndihmojnë në zgjerimin e mushkërive dhe përmirësimin e oksigjenimit. Mund të jetë gjithashtu e dobishme të kryeni këto ushtrime për të pastruar rrugët e frymëmarrjes nga sekrecionet.
Nga ana tjetër, është shumë e rëndësishme të shmangni kontaktin me njerëzit e sëmurë, ndërsa sistemi imunitar rimëkëmbet, pasi pneumonia dobëson trupin dhe rrit rrezikun e infeksioneve të tjera.
bal
