Një 30 vjeçar është arrestuar pasi ka goditur me thikë një të mitur në Durrës pas një konflikti për motive të dobta.
Ngjarja ka ndodhur pasditen e sotme në lagjen nr. 13, jashtë ambienteve të një picerie.
Edhe pse autori tentoi të arratisej, uniformat blu kanë bërë të mundur arrestimin e tij menjëherë paqs ngjarjes.
Materialet procedurale do t’i kalojnë Prokurorisë së Durrësit, për kryerjen e hetimeve të mëtejshme.
“Dëmtoi me mjet prerës, një 17-vjeçar, për shkak të një konflikti për motive të dobëta, kapet menjëherë pas ngjarjes dhe shoqërohet në ambientet e Policisë 30-vjeçari.
Pasditen e sotme, në lagjen nr. 13, dyshohet se për shkak të një konflikti për motive të dobëta, ndërmjet shtetasit B. M., 30 vjeç dhe një 17-vjeçari, në ambientet e jashtme të një picerie, shtetasi B. M. ka dëmtuar me mjet prerës (thikë), 17-vjeçarin, i cili ndodhet në spital, në kujdesin e mjekëve dhe është jashtë rrezikut për jetën,” njofton policia.
