Kanë kaluar dy vjet nga ndarja e Shakirës me Gerard Pique. Pas thashethemeve të shumta, ish-çifti konfirmoi ndarjen e tyre në qershor të vitit 2022 përmes një deklarate të përbashkët.
Ky lajm erdhi pas dymbëdhjetë vitesh lidhje dhe dy fëmijëve të tyre, Milan dhe Sasha.
Pas ndarjes, ish-futbollisti i Barcelonës dhe kombëtares së Spanjës konfirmoi lidhjen e tij me Clara Chia Marti, gjë që duket se e lëndoi akoma më shumë këngëtaren kolumbiane.
Veprimi i fundit i Pique duket se do të jetë një goditje tjetër për Shakirën.
Mediat raportojnë se ish-mbrojtësi ka dëshirë të martohet me Claran, një gjë që nuk e bëri gjatë dymbëdhjetë viteve me Shakirën, dhe gjithashtu dëshiron të ketë një fëmijë tjetër me partneren e tij të re.
Sot, Shakira dhe Pique ende nuk mbajnë një marrëdhënie të mirë me njëri-tjetrin, edhe për hir të fëmijëve të tyre.
Ndërkohë, ylli i pop-it është përfolur shumë herë për lidhje me emra të njohur si Tom Cruise dhe Lewis Hamilton.
