Ester Expósito, e dashura e Kylian Mbappé, ka rrëfyer në një intervistë këndvështrimin e saj për dashurinë dhe vlerat themelore që kërkon në një marrëdhënie në çift.
Aktorja spanjolle ka theksuar se partneri i saj duhet të ketë disa cilësi të rëndësishme njerëzore dhe sociale. Sipas Expósitos, ndër karakteristikat më tërheqëse janë inteligjenca emocionale, ndjeshmëria dhe sensi i humorit, të shoqëruara me një ndërgjegjësim të fortë për realitetin dhe kontekstin social të ditëve të sotme.
Expósito vlerëson veçanërisht njerëzit që nuk fshihen pas një pozicioni privilegji përballë kaosit dhe padrejtësive në botë. Për të, është e rëndësishme që një person të jetë i gatshëm të marrë përgjegjësi për gabimet kolektive dhe të kontribuojë në korrigjimin e tyre.
Në këtë mënyrë, aktorja ka bërë të qartë se për të, një marrëdhënie nuk ndërtohet vetëm mbi tërheqjen apo ndjenjat, por edhe mbi vlerat njerëzore, ndërgjegjësimin social dhe aftësinë për të kuptuar tjetrin.
