Paul Teal, aktori i njohur më së shumti për rolin e tij në “One Tree Hill”, ka ndërruar jetë në moshën 35-vjeçare, sipas një deklarate nga agjentja e tij Susan Tolar Walters.
Teal humbi jetën të premten “pas një beteje të guximshme me kancerin”, tha Ëalters për CNN të hënën. “Talenti i tij i jashtëzakonshëm, së bashku me shpirtin e tij të butë, ka lënë gjurmë të pashlyeshme te të gjithë ne, që kemi qenë me fat që e kemi njohur. Humbja që ndjejmë në zemrat tona është e pamatshme”, thuhet në deklaratë.
Lajmin për vdekjen e tij e ndau edhe e fejuara e Teal, Emilia Torello, duke shkruar në një deklaratë të postuar në faqen e saj në Instagram: “Një pjesë e imja vdiq me ty, unë premtoj se do të luftoj për të gjetur gëzim në jetë aq fort sa luftove për të jetuar çdo ditë. Bota pati fatin ta njohë Paul Teal edhe për një moment, dhe unë jam njeriu më me fat në jetë sepse mund të të quaj ‘i imi’. Do të të dua përgjithmonë”, ka shkruar ajo.
Kujtojmë që Teal pati një rol në trillerin psikologjik të vitit 2022 “Deep Water”, ku luajtën Ben Affleck dhe Ana de Armas.
bal
