Ish-këshilltari i kryeministrit Edi Rama, Dorian Duçka, është paraqitur pasditen e kësaj të enjte pranë ambienteve të SPAK.
Ende nuk dihen arsyet se pse Duçka është thirrur nga Prokuroria e Posaçme, ndërkohë kujtojmë se emri i tij u lakua gjatë në media lidhur me çështjen e ish-agjentit të FBI-së McGonigal dhe lidhjet e këtij të fundit me Shqipërinë.
Dorian Duçka është një ndër personat e përmendur në dosjen amerikane të arrestimit të Charles McGonigal, ish-drejtori i Kundërzbulimit në zyrën e Nju Jorkut. Sipas aktakuzës, Duçka ka mundësuar takimin e parë të Ramës me McGonigal.
