Pak ditë më parë, Mozzik i surprizoi të gjithë duke publikuar një foto romantike. Në foton ku dukej pak, por mjaftueshëm, ai shfaqej duke puthur një vajzë, identietin e të cilës e ka mbajtur sekret.
Por, shpejt u zbulua se vajza në fjalë ishte Lotina Haziri.
Ata ndodheshin me pushime të dy në Afrikë. Për më tepër, Lotina festoi edhe 26-vjetorin, duke lënë të kuptohet se ndoshta kjo ka qenë arsyeja e udhëtimit. Jo vetëm kaq. Fansat aludojnë se ata mund të jenë fejuar. Shkak janë bërë unazat që të dy mbajnë në gishtat e unazave të fejesës.
Lotina është vajza e politikanit Kosovar Lutfi Haziri. Ajo është e panjohur për publikun ndonëse ka një Instagram publik me dhjetëra mijëra ndjekës.
E në fakt ka fituar mijëra të tjerë këto ditë që ka qenë kryefjalë e mediave. Lotina në pesë ditë ka marrë mbi 10 mijë followers të rinj. Shumë ndjekës i shkruajnë asaj duke e krahasuar me Loredanën që bëri bujë kur zbuloi lidhjen me Mozzik, e më pas u konsolidua fort në tregun muzikor gjerman.
lokimagazine
