Adrian Mutu, ish-sulmuesi i ekipit anglez, Chelsea, beson se Cristiano Ronaldo është i motivuar nga perspektiva për të luajtur së bashku me djalin e tij, Cristiano Jr., përpara se të tërhiqet nga futbolli.
Të dy, si Cristiano ashtu dhe djali i tij janë aktualisht te Al Nassr në Arabinë Saudite – Ronaldo është kapiten i ekipit të parë, ndërsa 14-vjeçari Cristiano Jr. luan për ekipin e të rinjve, i cili fitoi titullin e Premier League U13 të Arabisë Saudite sezonin e kaluar.
Megjithëse Cristiano Jr. mbushi 14 vjeç në qershor dhe ka ende pak vite nga bashkimi me ekipin e parë, Ronaldo thuhet se është i shtyrë të zgjasë karrierën e tij për të ndarë fushën me djalin e tij.
Mutu diskutoi aspiratën e Ronaldos me “iAM SPORT” në Rumani, duke thënë: “Ky është motivimi i tij i vërtetë. Ai dëshiron të luajë një ndeshje zyrtare me djalin e tij dhe për këtë arsye nuk dorëzohet. Epo, në Al Nassr është e mundur. Nëse ai do të ishte në një ekip tjetër, nuk e di, në Real Madrid, do të ishte më e vështirë”.
lokimagazine
