Instituti i Shëndetit Publik ka dhënë këshilla për qytetarët sesi ta përballojnë vapën e kësaj vere. Sipas ISHP, “nxehtësia ekstreme mund të çojë në një rritje të sëmundjeve dhe vdekjeve të lidhura me të, veçanërisht nëse nuk marrim masat e nevojshme për t’u përshtatur dhe mbrojtur nga temperaturat e larta. Është e rëndësishme të shmangim të nxehtin ekstrem, të njohim shenjat e goditjes dhe këputjes nga i nxehti dhe të trajtojmë sëmundjet e lidhura me të nxehtin.”
Kontrolloni indeksin UV nga burime zyrtare. Kini parasysh se dëmtimi i lëkurës ndodh kur niveli i rrezatimit të indeksit UV është 3 (mesatar) ose më i lartë.
Nxirja me solar rrit rrezikun e kancerit të lëkurës dhe shkakton plakje të parakohshme të saj, si dhe dëmtim të syve. Nuk ka nxirje e shëndetshme apo të sigurt. Nxirja me solar nuk ofron një bazë më të mirë për nxirje në diell.
Kontrolloni rregullisht lëkurën tuaj dhe jini të vetëdijshëm për çdo ndryshim si: nishan që ndryshon madhësinë, formën, ngjyrën ose nishane të reja. Nëse vëreni ndonjë ndryshim, konsultohuni me një profesionist shëndeti.
Kini kujdes nga dielli pavarësisht se ku jeni, gjatë pushimeve, në plazh apo mal. Sa më shumë rekomandime të ndiqni, aq më i ulët do të jetë rreziku ndaj kancerit të lëkurës.”
ISHP: Kremi kundër diellit nuk mund të sigurojë mbrojtje të plotë
ISHP shprehet: “Kremi kundër diellit nuk mund të sigurojë mbrojtje të plotë. Kremi kundër diellit duhet të përdoret krahas: veshjeve, kapeleve dhe syzeve të diellit, por jo në vend të tyre.
Këshillohet të:
– Mos përdorni kurrë krem kundër diellit për të zgjatur ekspozimin tuaj në diell.
– Përdorni krem kundër diellit me faktor mbrojtës (SPF) të paktën 30, me filtra UVA dhe UVB.
– Përdoreni atë 30 minuta para ekspozimit në diell. Ripërdoreni kremin çdo 2 deri në 3 orë pa harruar zonat e ndjeshme si buzët dhe veshët.
– Rekomandimet e mësipërme janë të vlefshme dhe për fëmijët. Sa më i ri të jesh, aq më i pambrojtur je. Foshnjat nën 6 muaj duhet të mbahen larg diellit. Nëse keni lëkurë shumë të zbehtë, flokë të kuqe ose fytyrë me pika, jeni më të ndjeshëm ndaj rrezeve të diellit.
