Ivanka Trump po kalon disa ditë pushimi në brigjet e Kosta Rikës, ku është parë duke shijuar detin dhe duke provuar aftësitë e saj në sërf.
Të lidhura
None found
44-vjeçarja, vajza e presidentit amerikan, u fotografua mbi një dërrasë sërfi, e veshur me një kostum banje të zi njëpjesësh dhe një bluzë të bardhë noti me jakë.
Gjatë përpjekjes për të qëndruar mbi dërrasë, Ivanka shfaqet duke u përballur me dallgët dhe duke mbajtur krahët hapur për të ruajtur ekuilibrin.
Megjithatë, në një çast ajo nuk arriti të qëndronte më në këmbë dhe përfundoi në ujë. Rrëzimi nuk duket se ia prishi humorin, pasi Ivanka e përjetoi momentin me buzëqeshje dhe vijoi të shijonte ditën.
Qëndrimi në Kosta Rikë është një nga disa udhëtimet që Ivanka Trump ka realizuar gjatë kësaj vere.
Gjatë muajve të fundit, ajo ka qëndruar në Hamptons me bashkëshortin e saj, Jared Kushner, ka vizituar Bahamas dhe ka udhëtuar me familjen drejt Islandës.
Momente nga këto pushime ajo i ka ndarë edhe në rrjetet sociale, ku ka publikuar fotografi nga destinacionet e vizituara dhe ka prezantuar disa prej veshjeve të saj verore.
Në Islandë, Ivanka pozoi së bashku me Kushner në një spa, ndërsa në një tjetër fotografi çifti shihej duke kaluar kohë në një jaht.
Kjo verë për Ivankën është karakterizuar nga udhëtime, çaste familjare dhe përvoja të reja. Pavarësisht se tentativa për të bërë sërf në Kosta Rikë përfundoi me një rënie në det, ajo duket se e shijoi plotësisht aventurën.
