Ushtria izraelie ka bombarduar kampin e refugjatëve al-Maghazi në Gaza qendrore, duke vrarë më shumë se 30 persona.
Viktimat e sulmit ajror të shtunën u dërguan në Spitalin e Martirëve al-Aksa në Deir el-Balah. Lajmin e ka bërë me dije Ministria e Shëndetësisë e drejtuar nga Hamasi.
Po ashtu bëhet me dije se Forcat e Mbrojtjes së Izraelit njoftojnë se kanë goditur mbi 2500 objektiva të Hamasit që kur filloi operacionet tokësore në Gaza.
Ai tha se trupat po vazhdojnë të eliminojnë terroristët në luftime të afërta dhe po kryejnë sulme ajrore mbi infrastrukturën e Hamasit, depot e armëve, postat e vëzhgimit dhe qendrat e komandës. Një avion ushtarak goditi gjithashtu një kompleks ushtarak të Hamasit gjatë natës.
“Gjatë aktiviteteve të kombinuara të forcave tokësore, ajrore dhe detare në Rripin e Gazës, janë goditur mbi 2500 objektiva terroriste”, thuhet në një njoftim në kanalin e Forcave Mbrojtëse të Izraelit në Telegram.
