Ministria e Jashtme e Izraelit ka publikuar një audio ku supozohet se është nëj telefonatë e përgjuar mes dy militantëve të Hamasit duke diskutuar sulmin në spital.
Sipas tyre në këtë audio dëshmohet se nuk ka qenë Izraelit ata të cilët e kanë lëshuar raketën që shkatërroi spitalin në Gaza ku humbën jetën 500 persona, por është hedhur gabimisht nga Xhihadi Islamik Palestinez. Ky grup është i lidhur ngushtë me Hamasin.
Transkripti i plotë i bisedës, sipas Izraelit:
Militanti 1: Po ju them se është hera e parë që shohim një raketë si kjo të bjerë dhe prandaj themi se i përket Xhihadit Islamik Palestinez.
Militanti 2: Çfarë?
Militanti 1: Ata thonë se i përket Xhihadit Islamik Palestinez.
Militanti 2: Nga ne është?
Militanti 1: Me duket!
Militanti 2: Kush e thotë këtë?
Militanti 1: Po thonë se prerjet e raketës janë copëza lokale dhe jo si copëzat izraelite.
Militanti 2: Çfarë po thua [emri]?
Heshtje
Militanti 2: Po Zoti e bekoftë, nuk mund të gjente vend tjetër për të shpërthyer?
Militanti 1: Nuk ka rëndësi, po, [emri] e qëlluan nga varrezat pas spitalit.
Militanti 2: Çfarë?!
Militanti 1: E qëlluan duke ardhur nga varrezat pas spitalit al Ma’amadani dhe ajo shkrepi gabim dhe ra mbi ta.
Militanti 2: Ka një varrezë pas saj?
Militanti 1: Po, al Ma’amadani është pikërisht në kompleks.
Heshtje
Militanti 2: Ku është kur hyn në kompleks?
Militanti 1: Fillimisht hyni në kompleks dhe nuk shkoni në drejtim të qytetit dhe është në anën e djathtë të spitalit al Ma’amadani.
Militanti 2: Po, e di.
Hamas terrorists in their own voices:
Listen to the conversation between Hamas operatives as they discuss the failed Islamic Jihad rocket launch on the Al-Ahli Baptist Hospital on October 17, 2023. pic.twitter.com/mz31MiePU3
— Israel ישראל 🇮🇱 (@Israel) October 18, 2023
Qindra njerëz humbën jetën pasi një raketë goditi spitalin Al Ahli në qytetin e Gazës, mbrëmjen e së martës. 500 persona që ishin duke u trajtuar në spital, mes tyre fëmijë dhe staf mjekësor humbën jetën.
Presidenti palestinez Mahmoud Abbas me bazë në Bregun Perëndimor, fajësoi Izraelin, duke e quajtur atë një krim të pafalshëm, teksa shpalli tre ditë zie. Nga ana tjetër zyrtarët izraelitë këmbëngulin se masakra u shkaktua nga një raketë palestineze e cila shpërtheu gabimisht mbi spital.