Jones, i cili vdiq të hënën, më 9 shtator në moshën 93-vjeçare, i dha zërin Darth Vader-it në filmin origjinal “Star Wars”. Por kontributi i tij në këtë rol erdhi pasi xhirimet përfunduan, kur skenaristi/regjisori George Lucas kuptoi se zëri i David Proëse, aktori që mbante kostumin gjatë xhirimeve, nuk ishte pikërisht ajo që ai kërkonte.
“George kërkonte një zë të errët, kështu që punësoi një njeri të lindur në Mississippi dhe rritur në Michigan, i cili belbëzon. Dhe ky është zëri. Ai jam unë”, tha Jones në një intervistë për American Film Institute në vitin 2009. “Unë isha me fat, nga të gjitha këto pengesa të supozuara, për një punë që më dha vetëm 7 000 dollarë! Dhe unë mendova se ishte një shumë e mirë. Dhe u bëra një zë në një film”.
Në vitin 1995, Jones i tha Conan O’Brien se i duheshin vetëm dy orë e gjysmë për të regjistruar dialogun e Vader-it për filmin e parë “Star Ëars”, i cili më vonë mori titullin “Star Ëars – Episode IV: A Neë Hope”. Ai gjithashtu i tregoi O’Brien-it se Orson Ëelles ishte zgjedhja e parë e Lucas për zërin e Vader-it, por ai mendonte se zëri i Ëelles do të ishte shumë i njohur.
“Nuk e dinim çfarë kishim”, i tha Jones O’Brien-it. “Në episodin e dytë, kaluam një ditë të tërë duke u përpjekur të kuptonim çfarë bëmë mirë”. Kur erdhi koha për të realizuar “Star wars – Episode V: The Empire Strikes Back”, Lucas e riktheu Jones për të dhënë zërin e Vader-it.
Darth Vader ishte vetëm një nga rolet e shumta të paharrueshme në karrierën e Jones. Ai gjithashtu i dha zërin Mufasa-s në “The Lion King” të Disney-t dhe portretizoi Terence Mann në “Field of Dreams”. Jones u nominua për një Oscar për “The Great white Hope” (1970) dhe mori një Oscar nderi në vitin 2012. Ai fitoi gjithashtu tre çmime Tony, një çmim Grammy dhe tre çmime Emmy, duke u bërë pjesë e klubit EGOT.
Jones vdiq në shtëpinë e tij në Dutchess County, Nju Jork, konfirmoi agjenti i tij për revistën PEOPLE. Ai la pas të birin, Flynn Earl Jones. Gruaja e tij, Cecilia Hart, vdiq në tetor 2016.
bal
