Egla dhe Juli janë zënë gjatë këtyre ditëve, si pasojë e disa komenteve që i kanë bërë njëri-tjetrit për profesionet dhe karrierat e tyre.
Edhe gjatë spektaklit të sotëm (e shtunë), debati mes dy aktorëve ka vijuar.
Egla: Juli ka filluar të merret me karrierën time që nga javët e para. Puna e titullit të Julit, unë nuk e dija fare, e kam mësuar në shtëpi dhe kam vendosur atë mbrëmje pasi iu luta, nuk doja ta bëja atë debat, deri në agim derisa i dhashë mbrapsht një leksion që iu pasqyrua në fytyrë për karrierën. Dorëzo titullin, artist i vogël, që ia thashë sy më sy, jo pas krahëve. Sipas këtij unë nuk bëj si aktore dhe mua më kanë përzënë nga teatri.
Juli: O gënjeshtare ku e thashë atë unë?
Egla: Nga kush teatër më paskan përzënë mua? Unë nuk ju kam zënë vendet, pse merreni me mua, me karrierën time?
Juli: Kur ka ardhur Egla të bëjë një skeç te emisioni ynë. Pas skeçit, producenti më ka thënë ç’mendim ke për Eglën dhe prandaj unë e kam ngatërruar me audicion. Sa i përket e kanë hequr nga teatri, nuk e kam thënë unë. E kam dëgjuar unë pasi Julia ka treguar për karrierën e Eglës. Unë nuk e njoh karrierën e saj. Unë komentova diçka që është thënë në shtëpi.
Egla: Mos u merr me emrat e kolegëve, as me karrierën e kolegëve. Je një thashethemaxhi. Je një njeri i vogël! Nuk je shumë i madh kur ti ul të tjerët.
Juli: Unë nuk ndjeva shenjë xhelozie, por kur më përmendi karrierën dhe ma vuri në dyshim. Unë leksionet e Eglës nuk i marr parasysh fare. Unë dua t’i përshëndes dhe të respektoj çdo koleg timin.
