Jennifer Lopez, tashmë e martuar me aktorin Ben Affleck, zbulon se ka qenë viktimë e dhunës në familje në dokumentarin e saj të ri “The Greatest Love Story Never Told”.
“Të të trajtojnë ashtu, nuk është kënaqësi. Nuk kam qenë kurrë në një lidhje ku jam rrahur, faleminderit Zotit, por patjetër që jam sulmuar dhe goditur dhe disa gjëra të tjera të pakëndshme. Të përafërta. Mosrespektuese”.
Ndër lidhjet e saj të mëparshme, JLo, 54 vjeçe, ka qenë e martuar tre herë dhe është takuar me disa të famshëm. Megjithatë, ajo nuk sqaroi se kush e kishte keqtrajtuar.
“Ka pasur njerëz në jetën time që thoshin ‘të dua’ dhe më pas nuk bënin gjëra që ishin në përputhje me fjalën dashuri. Duhet të arrish fundin, kur je në situata kaq të pakëndshme dhe aq të dhimbshme sa më në fund thua ‘Nuk e dua më këtë’”, shtoi ajo më tej.
Ylli i “Jenny From The Block” veshi një fund lëkure dhe bluzë kafe në premierën e filmit Prime Video në Los Angeles. Ajo filloi të takohej me Benin në vitin 2002, por ata u ndanë vetëm tre ditë para martesës së tyre të planifikuar në 2003, përpara se të pajtoheshin në 2021 dhe të lidhnin martesën në Las Vegas vitin e ardhshëm.
Duke folur për kohën e tyre të ndarë, ajo shprehet, “Për gjithë ato vite ishte vërtet e vështirë, sepse nuk ndjeva se humba vetëm dashurinë e jetës sime, u ndjeva sikur humba mikun më të mirë që kisha pasur ndonjëherë. Dhe nuk mund të flisja me të për kaq shumë vite dhe kjo ishte pjesa më e vështirë”.
bal
