Ish-kryebashkiaku i Librazhdit Kastriot Gurra është emëruar drejtor i Agjencisë Shtetërore të Shpronësimeve.
Përmes një VKM-je, qeveria ka liruar nga kjo detyrë Egra Ibrahimin dhe i ka besuar këtë post Kastriot Gurrës.
E plotë:
Në mbështetje të nenit 100 të Kushtetutës dhe të pikës 3, të kreut III, të vendimit nr.395, datë 13.5.2020, të Këshillit të Ministrave, “Për mënyrën e organizimit e të funksionimit të Agjencisë Shtetërore për Shpronësimin”, me propozimin e Zëvendëskryeministrit dhe ministër i Infrastrukturës dhe Energjisë, Këshilli i Ministrave
V E N D O S I:
– Znj. Egra Ibrahimi, drejtor i Përgjithshëm i Agjencisë Shtetërore për Shpronësimin, lirohet nga kjo detyrë.
– Z. Kastriot Gurra emërohet drejtor i Përgjithshëm i Agjencisë Shtetërore për Shpronësimin.
Ky vendim hyn në fuqi menjëherë dhe botohet në “Fletoren zyrtare”.
A ju ndihmoi ky artikull?PoJo
