Princesha Catherine dhe Princi William bënë një paraqitje të rrallë të përbashkët këtë fundjavë për të shënuar fundin e Olimpiadës me një video të veçantë. Videoja u postua në faqen e tyre zyrtare në Instagram gjatë ceremonisë së mbylljes së Lojërave Olimpike 2024 dhe çifti përgëzuan atletët britanikë, së bashku me personazhe të tjerë të famshëm si Snoop Dogg dhe David Beckham.
Natyrisht, duke qenë se kjo ishte një pjesë e vogël e paraqitjeve të fundit nga Princesha e Uellsit në mes të betejës së saj shëndetësore, fansat mbretërorë nxituan të analizonin pamjen e saj dhe vunë re një ndryshim në unazat e saj. Konkretisht, ata vunë re se në vend të unazës së saj të fejesës, e cila i përkiste vjehrrës së saj të ndjerë, Princeshës Diana, ajo mbante një unazë tjetër, ku dukej se kishte perla ose diamante dhe gurë të kuq. Aksesori i çmuar është një nga unazat e saj më të vjetra, të cilën Kate rrallë e ka përdorur.
Në fakt, thuhet se është një nga dhuratat e para të bizhuterive nga Princi William, në fillim të lidhjes së tyre.
bal
