Beyonce nuk mori asnjë nominim në Country Music Awards, me mediat ndërkombëtare që riprodhuan lajmin, duke shkruar se ajo ishte “skarcuar”.
Edhe pse albumi i saj ‘Cowboy Carter’ ishte një hit, ai nuk i bindi CMA-të që ta përfshinin atë në garën për një çmim.
Pas këtij zhvillimi, fansat e këngëtares shpërthyen në Twitter – X, duke akuzuar organizatën dhe përgjegjësit e nominimeve për çmime, për sjellje raciste ndaj saj.
Një nga fansat e saj shkroi: “Beyoncé u përjashtua nga nominimet për çmimin Country Music Award, ndërsa racisti dhe shpesh i dehuri që hedh karrigen Morgan Wallen ka 7 nominime ndërsa Beyonce nuk ka asnjë. Kjo thotë shumë për CMA-të dhe industrinë e muzikës vendase – atyre duhet t’u vijë turp për racizmin dhe mizogjininë e tyre”.
