Divorci i Jennifer Lopez dhe Ben Affleck ishte një nga temat më të diskutueshme të verës. Këngëtarja dhe aktori vendosën t’i japin fund historisë së tyre të dashurisë pas tre vitesh romancë dhe dy dasma, njëra e mbajtur në Las Vegas dhe tjetra në Savannah në verën e vitit 2022. Marrëdhënia e tyre rrëmbeu tituj të shumtë sepse çifti i dhanë njëri-tjetrit një shans i dytë pasi romanca e tyre në fillim të viteve 2000 kishte përfunduar.
Mes thashethemeve dhe spekulimeve për arsyet e divorcit, ata u panë disa javë më parë duke ndarë një mëngjes të vonë me fëmijët e tyre në hotelin Beverly Hills. Sipas një burimi që foli për Page Six, ish-çifti ishte “në Polo Lounge të hotelit Beverly Hills, duke u kapur për dore dhe duke u puthur”.
Pavarësisht këtyre raportimeve, ndarja mes tyre është një fakt, siç deklaroi së fundmi Jennifer Lopez në një intervistë për revistën Interview. Këngëtarja dhe aktorja 55-vjeçare pati një bisedë me komedianin Nikki Glaser ku diskutuan tema të ndryshme, si filmi i saj i ardhshëm Unstoppable dhe sfidat me të cilat është dashur të përballet gjatë gjithë këtij viti.
Këngëtarja e “Let’s Get Loud” deklaroi se ishte “e emocionuar” që sapo ka nisur një rrugëtim të ri pas dy vitesh martesë me fituesin e Oscarit, duke theksuar se “nuk po kërkonte dashurinë”. Edhe pse ajo e pranoi për Nikki Glaser se ky “territor i ri” është “i vetmuar, i panjohur, i tmerrshëm, i trishtuar dhe i dëshpëruar”.
“Kur përballesh me ato ndjenja, thua: ‘Këto gjëra nuk do të më vrasin’, sepse unë në fakt jam në gjendje të ndiej gëzim dhe lumturi për veten time”, komentoi ajo. Sidoqoftë, artistja ishte e qartë se “një marrëdhënie nuk mund ta përcaktonte atë” pavarësisht se ishte “një romantike që i do marrëdhëniet dhe që dëshiron të plaket me dikë”. “Unë nuk mund ta kërkoj lumturinë te njerëzit e tjerë. Unë duhet të gjej lumturinë te vetja”, ka rrëfyer ajo.
Ndaj, Jennifer Lopez theksoi se marrëdhënia më e rëndësishme që çdo njeri mund të ketë është me vetveten. “Ne priremi të ikim nga kjo ndonjëherë kur je i përfshirë me njerëz të tjerë”, pohoi ajo ndërsa shpjegoi se mund të ishte “e lumtur dhe e kompletuar” me veten pa pasur nevojë të jetë me dikë tjetër.
bal
