Një sasi prej 5.8 ton mjaltë i dyshuar i futur kontrabandë në Kosovës është sekuestruar nga Policia në Ferizaj. Autoritetet bëjnë me dije se mjalti nuk kishte dokumente për prejardhjen dhe shitej i paregjistruar nga dy vëllezër.
Ata janë shoqëruar për t’u marrë në pyetje dhe me urdhër të prokurorit të gatshëm janë dërguar në paraburgim për 48 orë. Gjithashtu, autoriteti i ushqimit ka marrë mostrat e nevojshme për procedura të mëtejshme.
“Policia e Kosovës, në këtë rast njësitet e hetuesisë të policisë kufitare vazhdojnë me luftën kundër kontrabandës, ku sot me datën 13.11.2023 në bashkëpunim me task-forcën e përbashkët me Doganën e Kosovës, kanë kryer kontrolle në një lokacion në qytetin e Ferizajt, ku kanë gjetur dhe konfiskuar: 5800 x 1L kavanoza me mjaltë = 5800 kg
Mjalti kishte qene pa dokumente mbi prejardhjen dhe shitej si mall i pa regjistruar, andaj e njëjta është konfiskuar nga Dogana e Kosovës. Gjithashtu AUV ka marr mostrat e nevojshme për procedura të mëtejme.
Në lidhje me rastin për intervistim janë shoqëruar dy persona të dyshuar: B.A., (1985) m/k dhe E.I., (1996) m/k, të cilët me vendim të prokurorit kujdestar janë dërguar në mbajtje për 48 orë”, thuhet në njoftimin për media të Policisë së Kosovës.
