1
Kryeministri në detyrë i Kosovës, Albin Kurti, ka njoftuar sot se Qeveria ka miratuar vendimin për heqjen e të gjitha tarifave doganore ndaj produkteve me origjinë nga Shtetet e Bashkuara të Amerikës.
Gjatë mbledhjes së qeverisë, Kurti theksoi se taksa prej 10 për qind që ishte në fuqi deri më tani do të ulet në zero.
“Tani e tutje të gjitha produktet nga SHBA do kenë zero për qind tarifë kur të hyjnë në Kosovë. Kosova i mirëpret produktet amerikane në tregun e saj dhe besojmë fuqishëm se kjo do të ndikojë në rritjen e këmbimit tregtar dhe shtimin e investimeve”, ka thënë ai në mbledhjen e Qeverisë.
