Liam Payne, një nga këngëtarët më të dashur në të gjithë botën, humbi jetën më 16 tetor 2024, pasi u rrëzua nga kati i tretë i një hoteli në Buenos Aires. Vdekja e papritur e Payne solli shumë dhimbje si në zemrat e atyre që e njohnin nga afër, ashtu edhe në shpirtin e fansave të tij. Ai vdiq më 16 tetor 2024, në moshën 31-vjeçare. Sipas informacioneve të para të dërguara nga autoritetet, Liam ishte shumë agresiv para se të humbiste jetën, shkatërroi dhomën e hotelit ku po qëndronte dhe ishte nën ndikimin e alkoolit dhe substancave të ndaluara.
Tashmë, autopsia e tij është kryer, por cfarë mundën të zbulonin mjekët?
Autopsia e Liam u krye menjëherë pas vdekjes së të riut dhe dy ditë më vonë, dolën të dhënat e para të mjekëve ligjorë. Ata gjetën 25 lëndime në përputhje me një rënie nga lartësia, duke përfshirë lëndime fatale në kokë me gjakderdhje të brendshme dhe të jashtme. “Gjithçka tregon se muzikanti ishte i vetëm në momentin e rënies dhe po kalonte një lloj episodi të abuzimit me substancat”, tha zyra e prokurorit, sipas Reuters.
Për më tepër, oficerët e rendit kanë analizuar në detaje dhomën e hotelit ku Liam Payne ka kaluar momentet e fundit të jetës së tij dhe kanë zbuluar substanca të ndaluara, pije alkoolike, por edhe shumë objekte të shkatërruara. Përveç kësaj, u gjetën barna pa recetë, suplemente energjie dhe ilaçi i ankthit Clonazepam.
“Policia që hetoi vendin e ngjarjes gjeti substanca në dhomë që në pamje të parë – dhe në pritje të konfirmimit nga ekspertët – duket se janë lëndë narkotike dhe pije alkoolike, si dhe disa objekte dhe mobilje të shkatërruara”, tha burimi. Por pavarësisht se gjërat duken relativisht të qarta në rastin e vdekjes së Liam Payne, policia sërish ka hapur një hetim për vdekje të dyshimtë.
bal
