ShowBizzz

Ku dhe kur do të mbahet funerali i Tina Turner?

Fansat dhe miqtë po vazhdojnë të mblidhen në shtëpinë e Tina Turner në Zvicër ku ajo ndërroi jetë pas një sëmundjeje të rëndë të mërkurën (24 maj).

Dymbëdhjetë herë fituesja e çmimit “Grammy”, e cila bëri një rikthim historik në vitet 1980 pasi la burrin e saj abuziv dhe partnerin muzikor Ike Turner, vdiq nga shkaqe natyrale.

Ndërsa detajet e sakta se kur dhe ku do të mbahet funerali i saj nuk janë bërë publike, një zëdhënës i “Queen of Rock” tha se ceremonia do të jetë private me të pranishëm vetëm miqtë dhe të afërmit më të ngushtë të legjendës.

TS Poll - Loading poll ...

“Do të ketë një ceremoni private funerali ku do të marrin pjesë miqtë dhe familjarët e ngushtë”, thuhet në deklaratë.

Kujtojmë që në kujtimet e saj të vitit 2018 të titulluar “My Love Story”, këngëtarja ndau se kishte vuajtur nga presioni i lartë i gjakut për shumë vite, duke u diagnostikuar në vitin 1978 me këtë gjendje.