Lajmi se Princesha Kate Middleton ka kancer daton dy muaj më parë. Pasi mohoi teoritë e konspiracionit për të, në një video të publikuar në kanalet zyrtare sociale të familjes mbretërore, vetë Kate deklaroi se po i nënshtrohet kimioterapisë parandaluese për të mposhtur sëmundjen.
Por pas këtij lajmi Buckingham Palace nuk ka komentuar më për gjendjen shëndetësore të mbretëreshës së ardhshme. Që nga fillimi i vitit, domethënë që kur Kate iu nënshtrua një operacioni të planifikuar, Princi William ka treguar një mbështetje të jashtëzakonshme ndaj gruas dhe familjes së saj, duke ndryshuar tërësisht orarin e tij për të qenë në krah të Kate dhe tre fëmijëve të tyre: Princit George, Princeshës Charlotte dhe Princi Louis.
Por çfarë është më inkurajuese sesa të shohësh Princin William të kthehet në më shumë angazhime publike, është shenja se Princesha Kate po rikuperohet në betejën e saj kundër sëmundjes së rëndë.
Kensington Palace konfirmoi së fundmi se Princi William do të marrë pjesë në më shumë angazhime publike, disa prej të cilave do të bëjnë që ai ta kalojë natën larg nga Windsor.
E para nga këto ngjarje fillon sot, kur trashëgimtari i fronit do të bëjë vizitën e tij të parë zyrtare në Cornëall dhe Ishujt Scilly, ku do të kalojë natën. Jo vetëm kaq: që nga shpallja e kësaj ngjarje, është raportuar gjithashtu se William do të marrë më shumë angazhime përpara se fëmijët e tij të fillojnë pushimet verore në korrik.
Sipas shtypit britanik, ky fakt pasqyron progresin pozitiv që Kate Middleton po bën në rrugëtimin e saj të rikuperimit. Pavarësisht natyrës sekrete të situatës, kjo shenjë e vogël treguese e një përmirësimi të shëndetit të Princeshës Kate është shumë inkurajuese për fansat e familjes mbretërore.
bal
