Ditën e djeshme erdhi e plotë kënga ‘Ti kur dojshe’ nga Adri dhe Iliriana.
Projekti u bë hit ende pa dalë vetëm me një sekuencë të shkurtër në TikTok.
Por, as kur u bë viral pa u publikuar e as mbi 24 orë pas publikimit, kënga nuk e ka marrë vëmendjen e një personi goxha të rëndësishëm për dyshen brenda shtëpisë së Big Brother VIP, Shqipes.
Finalistja nuk e ka parë të arsyeshme që ta shpërndajë këngën, ndryshe nga projekti i Ardit publikuar para disa javësh të cilin e shpërndau si story.
Kjo ka ngjallur dyshime se raporti mes çiftit dhe Shqipes nuk është sërish më i miri i mundshëm.
Ata patën krisje në aleancën e tyre në shtëpi, me veprime që nga Adri u konsideruan ‘tradhti’. Më pas, me të mbaruar loja, ata gjetën gjuhën e përbashkët duke u shfaqur disa herë bashkë.
Por, me shumë gjasë, shoqëria e treshes ka marrë fund, këtë herë pakthyeshëm.
Një ‘tradhti 2.0’ në horizont? Do na duhet të presim dhe pak për të kuptuar më shumë.
ks
