Karriera monumentale e Lil Wayne do të shënohet me një yll në Hollywood Walk of Fame gjatë vitit 2027, një çmim që kurorëzon dekada të tëra kontributesh në skenën muzikore botërore.
Në përzgjedhjen e re të nderimeve, emri i tij shfaqet krahas yjeve të tjerë të ekranit dhe muzikës, përfshirë Pedro Pascal, Kiki Palmer, Carole G, Elle Fanning, Dakota Fanning, Idris Elba, Lisa Kudrow, Kate Hudson, Delroy Lindo, Adam Scott dhe Sam Rockwell.
Të lidhura
None found
Lajmi duket se e kapi në befasi vetë reperin, i cili ndau me publikun habinë e tij të sinqertë përmes rrjeteve sociale. Në një postim në platformën X, ai rrëfeu se fillimisht e kishte marrë gjithçka si një nga shakatë e vëllait të tij Fabian.
“Mendova se po më bënte humor, ashtu siç bëjnë vëllezërit mes tyre. Por kur e kuptova që ishte e vërtetë, thashë: çfarë po më thua, o vëlla? E ke seriozisht?”, shkroi Lil Wayne.
Nderimi vjen si një dëshmi e qartë e rrugëtimit të tij më shumë se njëzetvjeçar në botën artistike. Me miliona disqe të shitura, hite të përjetshme dhe një influencë të jashtëzakonshme mbi valët e reja të artistëve, Lil Wayne mbetet një shtyllë e rëndësishme e historisë së hip-hop-it amerikan.
Ceremonia e zbulimit të yllit, e planifikuar për në vitin 2027 në zemër të Hollywood-it, do ta bëjë atë pjesë të pandashme të këtij simboli global të kulturës argëtuese.
