Një aksident tragjik ka ndodhur mbrëmjen e kësaj të enjteje në Kavajë, ku një person ka ndërruar jetë.
Autoritetet njoftojnë se aksidenti ka ndodhur në aksin rrugor Qerret-Mali i Robit, ku një automjet me drejtues shtetasen me inicialet I.K është përplasur me një ciklomotor me drejtues shtetasin me inicialet F.D, i cili fatkeqësisht ka ndërruar jetë në vendin e ngjarjes.
Mësohet se drejtuesja e automjetit është dërguar në spital dhe ndodhet nën kujdesin e mjekëve dhe është jashtë rrezikut për jetën. Sakaq, grupi hetimor ka mbërritur në vendin e ngjarjes dhe po punon për zbardhjen e rrethanave të aksidentit.
Kavajë/Informacion paraprak
Në aksin rrugor Qerret-Mali i Robit, një automjet me drejtuese shtetasen I. G., është përplasur me një ciklomotor me drejtues shtetasin F. D, i cili ka ndërruar jetë në vendngjarje.
Drejtuesja e automjetit shtetasja I. G, ndodhet në spital nën kujdesin e mjekëve jashtë rrezikut për jetën.
Grupi hetimor po punon për sqarimin e rrethanave dhe dokumentimin ligjor të shkakut të aksidentit.
