Michael Bublé ka hapur një faqe shumë intime dhe të dhimbshme në jetën e tij familjare. Në një episod të podcastit ‘Diary of a CEO’, këngëtari kanadez shpjegoi se si prioritetet e tij në jetë ndryshuan pas diagnozës me kancer në mëlçi të djalit të tij Noha në vitin 2016, tashmë 10 vjeç.
“Diagnoza e kancerit të djalit tim tronditi botën time në themeel.”tha Michael Bublé, i cili ka katër fëmijë me gruan e tij Luisana Lopilato, Noah, Elias, Vida dhe Cielo.
“Ajo diagnozë ishte një goditje e tmerrshme. Nuk do të jem më kurrë i shkujdesur. Është privilegj për mua të ekzistoj dhe sot e di që dhimbja, frika, vuajtja që vjen nga këto lloj situatash do të jenë pjesë e jetës sime”.
Michael Bublé më pas foli për fazën e jetës që po kalonte përpara se djali i tij Noah të sëmurej. “Në atë kohë nuk i kisha të qarta prioritetet e mia. Dua të them, familja ime ka qenë gjithmonë dashuria ime e madhe, por sa gjëra të tjera kam pasur. Karriera. Ambicie. Si të arrija në maja, si të bëhesha më i madhi. U verbova nga egoja, nga suksesi, nga paratë. Pastaj në një moment realiteti u shpërbë në një mijë pjesë dhe kuptova se çfarë kishte me të vërtetë rëndësi”, pranoi ai.
Më pas shtoi: “Unë i bëra një premtim vetes në një moment. Unë dua të jem më i sjellshëm. Dua të jem më empatike. Unë kurrë nuk dua të lejoj që ajo ego të më pushtojë. Dua të di sa me fat jam.”
