Megan Fox ka zbuluar se është në pritje të fëmijës së saj të parë me të fejuarin Machine Gun Kelly (MGK), duke shënuar një moment historik të gëzueshëm në marrëdhënien e tyre. Aktorja 37-vjeçare e bëri të ditur lajmin përmes një fotosesioni artistik që shfaqej me barkun e rrumbullakosur. “Asgjë nuk humb asnjëherë. Mirë se vjen përsëri”, shkruante ajo krah postimit.
Ky do të jetë fëmija i katërt i Meganit, pasi ajo ka tre djem, Noah (10), Bodhi (9) dhe Journey (6) me ish-bashkëshortin e saj, Brian Austin Green. MGK, emri i vërtetë i të cilit është Colson Baker, ka një vajzë 15-vjeçare, Casie, nga një lidhje e mëparshme.
Njoftimi vjen një vit pasi Megan zbuloi në përmbledhjen e saj me poezi, Pretty Boys Are Poisonous, se ajo dhe MGK kishin duruar një abort të rëndë. Në shkrimet e saj prekës, Megan përshkroi dhimbjen e humbjes së një vajze. Një fragment lexonte, “Dua të të mbaj për dorën / të dëgjoj të qeshurën tënde, por tani / më duhet të them lamtumirë”.
Gjatë një interviste me “Good Morning America” në atë kohë, Megan tregoi se si përvoja ndikoi thellësisht në marrëdhënien e tyre. “Ishte shumë e vështirë për ne të dy”, tha ajo.
MGK, megjithëse nuk e trajtoi publikisht në detaje abortin, ia kushtoi performancën në Billboard Music Awards 2022 Meganit dhe fëmijës së tyre të abortuar, duke sinjalizuar thellësinë e emocioneve të tij.
bal
