Ministrja e Shtetit për Rininë dhe Fëmijët, Bora Muzhaqi, ka vizituar sot klubin Partizani. Në ambientet e Kompleksit ministrja e Rinisë, Muzhaqi është pritur nga përfaqësues të klubit dhe Akademisë Partizani si dhe nga të rinjtë.
Në takim ka qenë i pranishëm dhe ekipi i femrave të Partizanit. Në fjalën e saj Muzhaqi përgëzoi klubin për investimet e bëra, po ashtu siguroi mbështetjen për të rinjtë, nga ajo dhe nga ana e dikasterit që drejton.
Postimi i klubit Partizani:
Kampionët kanë mirpritur sot Znj.Bora Muzhaqi, Ministër Shteti për Rininë dhe Fëmijët.
Shtëpia e kuqe ka patur një vizitor të veçantë ministren Bora Muzhaqi, e cila sot ishte prezente në ambientet e Kompleksit Sportiv Partizani.
Muzhaqi e cila u prit nga përfaqësues të klubit dhe Akademisë Partizani ka takuar nga afër ekipet e Akademisë U-15 dhe U-16 si dhe ekipin e Femrave të Partizanit. Njëkohësisht ajo vizitoj ambjentet e klubit dhe përgëzoj investimin madhor të kryer nga Presidenti Demi i vetmi i këtij lloji në Shqipëri. Muzhaqi siguroi mbështetjen e plotë nga ana dikasterit që ajo drejton në shërbim të të rinjve dhe aktiviteteve sportive.
A ju ndihmoi ky artikull?PoJo
