Katy Perry u nderua me çmimin “Video Vanguard” të këtij viti në “MTV Video Music Awards”, të mbajtur të mërkurën, më 11 shtator.
Kur erdhi koha për të marrë çmimin, ajo kishte një person shumë të veçantë që e prezantoi para publikut.
“Ju ratë në dashuri me të si Katy Perry. Unë jam duke u dashuruar me të si Kathryn Hudson”, filloi fjalimin e tij partneri prej kohësh i këngëtares, Orlando Bloom.
“Ju e njihni atë si një superstar global që sjell dashuri, dritë dhe sensin e saj unik të humorit në çdo këngë që shkruan dhe çdo video muzikore që krijon ”, vazhdoi ai. “E njoh si nënë, si partnere, e cila sjell të njëjtën dashuri dhe gëzim në familjen tonë”.
Pas prezantimit të ëmbël të Bloomit, Perry performoi një përzierje të hiteve të saj më të mëdha. Në fund të performancës, partneri i saj dhe babai i vajzës së tyre, Daisy Dove, i dhuroi asaj një puthje dhe trofeun e saj.
