Të mërkurën (30 gusht) do të lindë një nga hënat më të mëdha dhe më të ndritshme të vitit.
Hëna e plotë e këtij muaji quhet Hëna Blu, një term që mund të përfaqësojë dy gjëra: Ose është Hëna e tretë e plotë në një sezon që ka katër Hëna të plota; ose është e dyta nga dy Hënat e plota që bien në një muaj kalendarik.
Ashtu si Hëna e plotë e mëparshme, më 1 gusht, edhe kjo Hënë do të jetë gjithashtu një “superhënë” – termi për një Hënë të plotë që ndodh kur sateliti ynë natyror është më afër Tokës, duke e bërë atë të duket pak më e madhe në qiell.
Pas perëndimit të diellit të mërkurën, Hëna Blu do të shfaqet në lindje dhe nëse kushtet e motit janë të mira, ajo mund të shihet me sy të lirë nga vendi ku jeni.
Për shkak se cikli i hënës merr në total 29.5 ditë, teknikisht ka 12.4 hëna të plota çdo 365 ditë. Kjo do të thotë se çdo 2.8 vjet mesatarisht, ka 13 hëna të plota në 12 muaj. Megjithatë, kjo nuk është një mesatare e saktë. Para Hënës Blu të këtij viti, hera e fundit që një ngjarje e tillë ndodhi ishte më 22 gusht 2021; ndërsa tjetra do të jetë më 19 gusht 2024.
Hëna Blu zakonisht quhet “superhëna” për shkak të distancës së saj nga Toka në kohën e Hënës së plotë. Për shkak se orbita e Hënës është eliptike ose në formë ovale, ka raste kur ajo është më afër Tokës se të tjerat.
Kur Hënat e plota ndodhin atëherë kur Hëna është afër pikës së saj më të afërt me Tokën, Hëna mund të duket deri në 14% më e madhe në qiell. Megjithëse ndryshimi i madhësisë nuk është i mjaftueshëm për t’u vënë re për shumicën e vëzhguesve të qiellit, mjafton që këto hëna të jenë më të shndritshme. Ia vlen t’u kushtoni kohë për t’i parë në qiellin e pastër të natës.
Superhënat, megjithëse nuk ndodhin çdo muaj, nuk janë aq të rralla. Ato mund të ndodhin diku nga dy deri në pesë herë në vit. Në fakt, pothuajse 25% e të gjitha hënave të plota janë superhëna, sipas NASA-s. E ashtuquajtura “Super Hëna Blu”, kombinimi i një Hëne Blu dhe një superhëne, ndodh më rrallë. Ndërsa është e mundur që të ketë dy Hëna Super Blu në një muaj, koha mesatare midis tyre është 10 vjet deri në 20 vjet, sipas NASA-s.
Hëna e ardhshme Super Blu do të ndodhë në vitin 2037, kur dy do të ndodhin në të vërtetë relativisht afër njëra-tjetrës – një në janar dhe një tjetër në mars.
