Për ditën e sotme (29 shtator), vendi ynë do të vijojë të ndikohet nga të njëjtat kushte atmosferike.
Moti parashikohet të jetë kryesisht i kthjellët në pjesën më të madhe të territorit, ndërsa në relievet malore në lindje do të ketë vranësira të pakta deri mesatare, kryesisht nga mesdita deri në orët e pasdites.
Era do të fryjë nga verilindja deri në veriperëndim, me shpejtësi mesatare rreth 6 m/s. Përgjatë vijës bregdetare dhe në lugina, era do të jetë më e ndjeshme, duke arritur deri në 14 m/s.
Në det, valëzimi parashikohet i forcës 1–3 ballë.
