Një tetëvjeçare me dëmtim paralizues cerebral rifitoi aftësinë për të lëvizur vetë falë një operacioni implantues të parë në llojin e tij që përfshin një robot. Para operacionit të gjatë, Karleigh Fry, nga Oklahoma, ishte e paralizuar dhe nuk mund të hante, të ecte apo as të qëndronte ulur vetë. Tani, ajo mund të ngrejë krahët mbi kokën e saj dhe ka shenja që ajo ka filluar të lëvizë pjesë të tjera të trupit.
Një pajisje robotike vendosi një implant elektrik në trurin e saj për të ‘rizgjuar’ zonat përgjegjëse të lëvizjes. Ndërsa roboti, i cili vihet në veprim nga kirurgët, është përdorur në të kaluarën për të implantuar stimulues të trurit, kjo është hera e parë që procedura i kryhet një fëmije.
Dr. Amber Stocco, neurologe pediatrike e përfshirë në procedurë e përshkroi operacionin si një ‘moment historik’.
“Pacientja jonë e re tashmë po tregon rezultate premtuese dhe shpresojmë se kjo procedurë do të hapë rrugën për më shumë raste pediatrike në mbarë botën.”
Ndërkohë, nëna e Karleigh-it, Trisha Fry, tha se familja pa përmirësime në momentin që mjekët ndezën pajisjen elektrike, duke shtuar, “Unë mendoj se ajo do të ketë një të ardhme të shkëlqyer”.
Karleigh vuan nga një sëmundje e trashëguar e quajtur distoni primare, një sëmundje neurologjike që shkakton kontraktime të dhimbshme të muskujve dhe lëvizje jonormale. Në disa raste, dhimbja e muskujve është aq e fortë saqë mund të pengojë lëvizjen e pacientëve.
Mjekët besojnë se sëmundja shkakton modele jonormale elektrike në tru, veçanërisht në zonat që kanë të bëjnë me lëvizjet e pavullnetshme.
Forma e distonisë që ka zonjusha Fry është lloji gjenetik që është më pak i zakonshëm tek fëmijët. Shkaku më i zakonshëm tek fëmijët është një dëmtim i trurit, si goditja në tru ose paraliza cerebrale.
Elektrodat stimuluese të futura në trurin e saj ndihmuan të ndërhynin në aktivitetin jonormal, duke rivendosur modelet normale të lëvizjes.
Pajisja, e quajtur një implant i stimulimit të thellë të trurit, është i ngjashëm me një stimulues kardiak, por për trurin.
Kjo përfshin vendosjen e një gjeneratori pulsi që dërgon sinjale elektrike në pjesët e trurit që kontrollojnë lëvizjen e trupit. Mund të pengojë ose lidhjet nervore tepër aktive të atyre joaktive të aktivizuara, në varësi të gjendjes.
Ky mekanizëm përdoret gjithashtu për të trajtuar sëmundjen e Parkinsonit, dridhjet, epilepsinë, çrregullimin obsesiv-kompulsiv dhe depresionin.
Dr. Amber Stocco, neurolog pediatrik dhe drejtor mjekësor i Neurologjisë së Fëmijëve dhe Adoleshentëve në Qendrën Shëndetësore të Fëmijëve Bethany, një partner i mjekëve të OU Health, tha se ekipi i tyre tani është ‘në pararojën e asaj që po ndodh në botën e stimulimit të thellë të trurit, si edhe në robotikë.’
Kirurgjia robotike nuk është asgjë e re. Roboti Da Vinci, i përdorur shpesh për kirurgji të zemrës dhe kraharorit, ka qenë në përdorim që nga viti 2000 dhe është përdorur te foshnjat.
Dr. Andrew Jea, neurokirurgu pediatrik i Spitalit të Fëmijëve në Oklahoma, i cili e operoi, tha: “Kjo shënoi debutimin global të përdorimit të një roboti nga sallat tona të operacionit për të kryer stimulim të thellë të trurit tek një fëmijë, duke vendosur një precedent jo vetëm në Oklahoma, por edhe në të gjithë Shtetet e Bashkuara dhe në mbarë botën.’/Dailymail – Syri.net
