Të dielat nuk do të jenë më të mërzitshme pasi nga sot do të rikthehet seriali i shumëpritur H.O.T.
Sezoni i dytë do të transmetohet në Top Channel duke na mbërthyer para ekranit në orën 21:00.
Në dy javët para do të kemi mundësinë të shohim një përmbledhje të sezonit të parë dhe në javën e tretë do të nis sezoni i dytë.
Ky sezon përveç komedisë do ketë edhe dramë, intriga e vrasje, ç’ka i ka bërë teleshikuesit edhe më kuriozë.
Aktorë të rinj i janë bashkuar serialit si Zamira Kita, Albana Perhati, Florian Agalliu e madje edhe Joel Mamaqi.
Seriali “H.O.T” vjen sërish nën autorësinë e Klaudia Brahimaj, me regji të Bjordi Mezinit dhe bashkëproducent Ermal Mamaqi dhe Dritan Huqi.
