Një vajzë e mitur ka pësuar lëndime të rënda trupore pasi aksidentalisht ka rënë nga një veturë në lëvizje në fshatin Reqan të Suharekës.
Rasti ka ndodhur më 11 nëntor 2026, rreth orës 14:00. Sipas raportit të policisë, në veturën që përdorej për bartjen e mallrave ndodhej edhe viktima e mitur, e cila dyshohet se aksidentalisht ka rënë nga automjeti derisa ishte në lëvizje.
Si pasojë e rënies, e mitura ka pësuar lëndime të rënda trupore dhe është dërguar për trajtim mjekësor në Qendrën Klinike Universitare të Kosovës (QKUK).
“Fsh. Reqan, Suharekë 11.11.2026-14:00. Raportohet se i dyshuari mashkull kosovar derisa ka qenë në rrugë me veturën e tij për bartjen e mallrave, në veturë ka qenë edhe viktima e mitur femër kosovare, e cila aksidentalisht ka rënë nga vetura e cila ishte në lëvizje. Viktima ka pësuar lëndime të rënda dhe është dërguar në QKUK. I dyshuari pas intervistimit me vendim të prokurorit është dërguar në mbajtje”, thuhte në raportin e policisë.
