Ministri i Brendshëm, Taluant Balla ka përgëzuar Policinë e Shteti për operacionet e funidt antidrogë, duke thënë se tani po shënohen rezultate.
Balla gjithashtu theksoi se Policia e Shtetit ka prioritet sigurinë në shkolla dhe luftën kundër shpërndarjes së lëndëve narkotike.
“Policia e Shtetitpo godet rrjetet e shpërndarësve të lëndëve narkotike duke shënuar rezultate konkrete. Vetëm gjatë 48 orëve të fundit aksionet policore Gjirokastër, Lezhë, Mirditë, Berat dhe Durrës kanë ndaluar gjashtë persona dhe sekuestruar doza të shumta kokaine dhe kanabis në mjedise argëtimi, të frekuentuara nga të rinjtë. Ndërsa e garantoj publikun për goditje sistematike të këtij fenomeni me rezultate të përditshme, ripërsëris porosinë Policisë së Shtetit për domosdoshmërinë e shkatërrimit të grupeve kriminale të përfshira në trafikun e lëndëve narkotike.
Publiku dhe çdo familje shqiptare presin që Policia e Shtetit të vijojë të marrë më shumë përgjegjësi ndaj çdo të riu e të reje, të cilët nuk i dinë sot sa duhet rreziqet e mëdha për shëndetin dhe familjet e tyre, ndërsa bien në grackën e keqbërësve të narkotikëve. Prandaj Policia e Shtetit i ka sot sigurinë në shkolla dhe luftën kundër shpërndarjes së lëndëve narkotike prioritete kryesore”, shkruan Balla.
