Orli Zhubi rrjedh nga një familje intelektuale me prejardhje nga Gjakova, qyteti i konsideruar djep i artit dhe kulturës shqiptare, por si familje tash e 60 vite jetojnë e veprojnë në Prishtinë.
Orli Zhubi është zëri i mrekullueshëm i muzikës, që u rrit dhe u edukua në një frymë ku mbizotëronte arti e kultura, pasi që babai i tij Shkëlzen Zhubi ishte një artist i njohur e shumë dimensional dhe vëllai i tij, këngëtar.
Orli, si i ri shfaqi talentin dhe dashurinë që kishte për muzikën në përgjithësi dhe këndimin në veçanti. Ai, u regjistrua në Akademinë e Arteve në degën e solo-këndimit si bariton në klasën e prof. Ahmet Dërguti dhe me sukses diplomoi studimet duke marrë pjesë në koncerte të ndryshme të muzikës klasike si solo-këngëtar dhe si anëtar i korit.
Pas diplomimit Orli pati një shkëputje nga muzika duke u angazhuar në fusha tjera. Ndër vite, Orli kishte sjell projekte si kënga me titull
“Ke shkuar” me tekst nga gazetari dhe tekst-shkruesi Hivzi Krasniqi, që ishte njëkohësisht edhe bashkëpunëtor i babait të Orlit në RTP, kurse këngën e kompozoi Kushtrim Gashi tashmë kompozitor dhe dirigjent në Gjermani e poashtu morën pjesë instrumentistë të dëshmuar nga Akademia e Arteve. Orli vendosi që këtë këngë ta rikthej pas 15 vitesh dhe t’a lansoj si duet me këngëtarin e mirënjohur Ramadan Krasniqi –DANI. Përveq kësaj balade Orli publikoi edhe një këngë ritmike (cover) të ri-orkestruar dhe aranzhuar nga muzicienti dhe kantautori i mirënjohur Afrim Macula dhe me tekst të shkruar nga vetë Orli me titull “Të deshta ty më shumë se veten”.
Gjatë intervistës sonë Orli theksoi se është shumë i motivuar për rikthimin në muzikë, dhe si entuziast të vazhdoi me projekte të reja muzikore dhe të sjellë para publikut artdashës shqiptar sa më shumë vlera artistike duke bashkëpunuar me profesionistë të dëshmuar të skenës kulturore.
Ai na informoj se është në realizim e sipër të një albumi të përbërë nga 8 këngë që janë perla të muzikës shqiptare të ripërpunuara në një stil unik, duke sjellë risi në skenën e muzikës shqiptare.
Orli Zhubi & Ramadan Krasniqi DANI – “KE SHKUAR ” – YouTube
ks
