Astronautët që supozohet të fluturojnë për në hënë në vitin 2028 do të veshin kostume hapësinore në zhvillimin e të cilave është e përfshirë Prada.Shtëpia italiane e modës, së bashku me kompaninë hapësinore Axiom, prezantuan një shtresë të brendshme speciale të kostumit “Liquid Cooling Ventilation Garment”, të cilën astronautët do ta veshin ndërsa lëvizin në sipërfaqen e hënës, raporton RTL .
Është një sistem që ndihmon në ftohjen e trupit, ventilimin dhe ruajtjen e rehatisë ndërsa ndodhet jashtë stacionit hapësinor.
Uji i ftohtë kalon nëpër kostum, duke thithur nxehtësinë e trupit, ndërsa një sistem i veçantë furnizon oksigjen dhe largon dioksidin e karbonit.
Që në vitin 2024, Prada dhe Axiom prezantuan modele të kostumeve hapësinore për NASA-n, të destinuara për misionin e ardhshëm në hënë. Pajisjet e reja duhet të jenë të qëndrueshme dhe të përshtatshme për misione më të gjata.
Për Pradën, ky është një bashkëpunim konkret me industrinë hapësinore, jo vetëm një frymëzim mode nga hapësira.
Markat Under Armor dhe Columbia Sportswear janë të angazhuara në projekte të ngjashme.
