Motra e Celine Dion, Claudette Dion, ka ndarë një përditësim aspak të mirë për betejën e superyllit me sindromën e personit të ngurtë. Claudette tha për ‘Canada’s 7 Jours’ se Celine, 55 vjeç, ka “humbur kontrollin e muskujve të saj”, teksa gjendja është përkeqësuar me kalimin e kohës.
“Ajo që më thyen zemrën është se ajo ka qenë gjithmonë e disiplinuar”, tha ajo për gazetën. “Ajo gjithmonë ka punuar shumë. Nëna jonë i thoshte gjithmonë: ‘Do t’ia dalësh.”
Claudette shtoi se Celine ka një dëshirë të performojë përsëri, pavarësisht perspektivës së tmerrshme. “Është e vërtetë që si në ëndrrat tona ashtu edhe në ëndrrat e saj, qëllimi është kthimi në skenë,” tha ajo.
Në dhjetor 2022, Celine njoftoi se do t’i duhej të anulonte pjesën e mbetur të turneut të saj botëror “Courage” për shkak të çrregullimit neurologjik progresiv dhe të pashërueshëm që prek muskujt, duke përfshirë kordat vokale dhe zemrën.
“Tartarët vokale janë muskuj, dhe zemra është gjithashtu një muskul,” tha Claudette ndërsa fliste për ‘7 Jours’. “Kjo është ajo që më kap mua. Për shkak se është një në një milion rast, shkencëtarët nuk kanë bërë aq shumë kërkime sepse nuk preku aq shumë njerëz.
Motra i Dion tha se ajo ka qenë në kontakt me shumë njerëz që vuajnë nga sindroma e personit të ngurtë- dhe të dashurit e tyre – të cilët kanë “humbur shpresën” se do gjendet ndonjëherë një kurë.
Intervista e Claudette vjen dy muaj pasi Celine – e cila për herë të fundit doli në skenë në mars 2020 – bëri një paraqitje të rrallë publike gjatë një loje hokej në Las Vegas më 30 tetor.
Këngëtarja u shfaq me djemtë e saj – René-Charles, 22 vjeç, dhe binjakët 13-vjeçarë, Eddy dhe Nelson, të cilët i ka me bashkëshortin e ndjerë René Angélil.
