Selin ka reaguar me sportivitet ndaj vëmendjes që partneri i saj, Gimbon, merr nga vajzat.
Gjatë një bashkëbisedimi me ndjekësit në Instagram, një prej tyre i shkroi se Gimbon pëlqehet nga shumë vajza, duke shtuar me humor se shpresonte të mos ishte e vetmja që ia thoshte këtë.
Selin u shpreh se nuk shqetësohet aspak nga komplimentet që partneri i saj merr, duke e konsideruar madje një gjë pozitive.
“Nuk je e vetmja, nuk më pengon as bezdis asnjë kompliment që vjen nga vajzat për Gimbon”, u përgjigj ajo.
Më tej, Selin shtoi me humor se i pëlqen fakti që partneri i saj konsiderohet simpatik dhe tërheq vëmendjen e vajzave.
“Mendoj që është super kënaqësi kur partnerin e ke simpatik dhe e aspirojnë shumë vajza, por në fund të ditës mbetet i imi. Ahahaha”, shkroi Selin, duke e shoqëruar mesazhin me një zemër të bardhë.
Një reagim që tregon se Selin duket mjaft e sigurt në marrëdhënien e saj me Gimbon dhe nuk e sheh vëmendjen e jashtme si një arsye për xhelozi.
